Сергей Михалок: Мы живем в мире, где правят орки

Лидер группы «Ляпис Трубецкой» заявил, что после выхода альбома «Культпросвет» группе несколько лет нужно будет отдохнуть.

Во время выступления на белорусском фестивале «Be free» в Чернигове Сергей Михалок рассказал «Белорусским новостям» о новом альбоме «Культпросвет», использовании вражеских коммуникаций и ретроградной составляющей группы.

Працяг

29 жніўня 2009

Aбутак з Пагоняю

На берасцейскіх рынках у продажы з’явіліся красоўкі з гербам “Пагоня”.

Са словаў гандляроў, шматлікія з пакупцоў ужо звярнулі ўвагу на адметныя красоўкі. Прывезены абутак быў закуплены ў Расіі, а дакладней у Гандлёва-выставачным Цэнтры“Масква”. На рынку прадстаўлены красоўкі чорна і белага колеру.

Паводле Радыё Рацыя

26 жніўня 2009

Апазіцыянера аштрафавалі за літару «ў»

Сёньня ў Берасці адбыўся суд над актывістам "Маладогу Фронту" Міхасём Ільіным за флэшмоб, прысьвечаны літары "Ў".

Суддзя Канючка А.У, нягледзячы на шматлікія разыходжанні ў паказаннях сведак-міліцыянтаў, асудзіў Міхася Ільіна на 4 базавых велічыні, як сталася традыцыйным, за брыдкаслоўе.

Суддзя вёў сябе знэрвавана, большасць пытанняў, што яму задавалі сведкі і адвакат Ільіна, ён скасоўваў. Не дазволіў ён і выказацца адвакату перад вынясеннем пастановы, а таксама нібыта з-за адсутнасці свабодных месцаў у кабінеце суддзя не дазволіў прысутнічаць на судовым працэсе людзям, якія прыйшлі падтрымаць Міхася, на што грамадскія актывісты Алесь Мех і Дзяніс Турчаняк падалі скаргу ў абласны суд.

Нагадаем, 17 жніўня Міхася Ільіна й Дзяніса Турчаняка затрымалі непадалёк ад нядаўна ўсталяванага помніка ў гонар 1000-годззя Берасця. Іх затрымалі пасля правядзення акцыі ў падтрымку беларускай мовы, бо ў тэксце на шыльдачках гэтага помніку філёлаг налічыў больш за 70 памылак.

25 жніўня 2009

Актывіста «Маладога фронту» прымусова даставілі ў ваенкамат

Увечары 24 жніўня моладзевага актывіста затрымалі ў Берасці і пратрымалі некалькі гадзінаў у аддзяленні міліцыі, пасля чаго даставілі ў камісарыят.

Як паведамляе «Радыё Рацыя», актывіст «Маладога фронту» Яўген Скрабец вяртаўся з Менска ў Берасце. У 22:00 на вакзале Скрабца ўжо чакалі супрацоўнікі міліцыі. Моладзевага актывіста прымусілі прад'явіць пашпарт, пасля чаго яму паведамілі, што ён павінен праехаць у аддзяленне міліцыі для ўдакладнення асабістых дадзеных. Супрацоўнікі міліцыі забралі пашпарт актывіста і на працягу ўсяго шляху ад вакзалу да аддзялення міліцыі трымалі яго за рукі.

Яўгена Скрабца даставілі ў Ленінскі РУУС, дзе пратрымалі 30 хвілінаў. Пасля гэтага супрацоўнікі міліцыі павезлі моладзевага актывіста ў ваенкамат, у якім яго ўжо чакала позва на 9 верасня. У пачатку 12 ночы моладзевага актывіста вызвалілі.

Нагадаем, што 4 чэрвеня Яўгена Скрабца затрымалі каля пад'езда яго дома супрацоўнікі міліцыі і ваенкамата. Актывіста «Маладога фронту» гвалтоўна пасадзілі ў машыну і павезлі ў абласны ваенны шпіталь, каб правесці абследаванне для ваенкамата.

Трэба адзначыць, што Яўген Скрабец мае адтэрміноўку ад службы ў арміі па прычыне стану здароўя.

25 жніўня 2009